الانسان ده كائن غريب فعلا .. اد ايه حالته النفسية ممكن تاثر على افكاره وتقلبها 180 درجة
يعنى لو حصلتله حاجة كويسة او حد قاله تعليق كويس يبقى مبسوط وافكاره كلها ايجابية ونفسه يعمل حاجات كتير.
ومجرد انه يمر بموقف مش لطيف او زعل مع حد تبتدى كل افكاره تنقلب ويدخل فى دائرة تفكير سلبى ويبقى مالوش نفس يعمل اى حاجة من اللى كان متحمس لها قبل كده
والاختلاف الوحيد اللى حصل هوا احساسه العام وحالته النفسية
ازاى الشخص ممكن يكون ايجابى طول الوقت ويقدر يتحكم فى مشاعره ومايخلهاش تأثر عليه فى افعاله .. يعنى بمعنى آخر يفصل بين مشاعره تجاه موقف أو شخص معين وبين بقيت حياته وافكاره وتصرفاته .
الحقيقة انى سمعت عن موضوع ال emotional intelligence او الذكاء الانفعالى وهوا انه ازاى زى ما بتتعلم تكون ذكى فى افكارك وتعرف تاخد القرار السليم فى الوقت المناسب انك تكون ذكى فى مشاعرك وتعرف تخرجها بالقدر المناسب وفى الوقت المناسب .. بس الحقيقة ما كنتش عارفه ان الموضوع تطبيقه صعب اوى كده وعايز درجة عالية جدا من التحكم فى النفس
********************
احساس عالى جدا بالضيق والحزن مسيطر عليا ... احساس صعب جدا انك تحس بشىء من الظلم.. وان الناس تفهمك غلط او متقدرش معنى شىء انت عملته بالنسبالى هو اقصى انواع الظلم خصوصا لما محدش بيحاول انه يدى نفسه فرصة للفهم كلهم شايفين انهم على حق وان هوا ده الصح الوحيد. بس ده ماينفعش والحقيقة انا مش عارفه اى حل واضح للموضوع ده ... ازاى انك فى اثناء الموقف تجنب احساسك وافكارك وتحاول تحط نفسك مكان اللى قدامك وتفهم هوا ليه عمل كده .. وليه الناس قصاد احساسها بنفسها والمشكلة اللى هيا فيها بيهون عليها احساس الاخرين اللى ممكن يضايقوا او يزعلوا. وبعدين لما تعاتبهم يرجعوا يزعلوا منك تانى ويقولولك دا كان غصب عنى وانت لازم تقدر الحالة اللى كنت فيها.
مين يقدر ومين يحس ومين يحكم... الحقيقة معرفش بس اللى انا عارفاه انى مش مبسوطة ومش مرتاحة
1 comment:
هو انا عايز أقسم البوست ده لقسمين
(1)
ف بالنسبه للجزء الأول فأنا عن نفسي و لله الحمد بفضي اللي جوايا أول بأول مش بخلي أي احساس وحش أو احساس يضايق أو حتى شك , مش بخليه يستنى جوايا كتيير لأن لو سبته هيتفحل و هيتبني عليه قرارات كتير خاطئه
فمثلاً لو أنا زعلان من حد علشان حاجه بروح أقوله "بس في الوقت المناسب" و بناقشه عادي جداً , سواء بقى اقتنع أو ما اقتنعشي أو هوه نفسه أقنعني , المهم انني فضييت اللي جوايا و مخلتشي ظن ولا زعل من حد , لأنني أساساً طول ما انا زعلان من حد ولا مضايق من حد و لا حالتي النفسيه مش مظبوطه مش هعرف أعمل أي حاجه في حياتي بتركيز
(2)
هوه انا الصراحه مش عارف أقول ايه لأنني الاحساس ده كثيراً ما يراودني
:D
بس بحاول أسيطر عليه بأنني أحاول أكتشف ايه هي المشكله أصلاً و ايه أسبابها و أبعادها و المسؤولين عنها لحسن أكون واحد منهم و أبص للمشكله دي من فوق أكنني مش طرف فيها و أحاول أفرض حلول ليها
..
و عايز أقول انني استفدت من الجمله دي
>>
"
ازاى انك فى اثناء الموقف تجنب احساسك وافكارك وتحاول تحط نفسك مكان اللى قدامك وتفهم هوا ليه عمل كده
"
و ان شاء الله تحت التطبيق في الخطه الخماسيه القادمه باذن الله و هعرضها على المجلس قريب
:D
Thanks for your post , and I wish that you are ok now , atleast 3alashan el lab exams :D , baharrag fyl 7etta el akheera dy :D
Salamo 3alikom
Post a Comment