حالة خاصة جداً ...
اسم قدر يستمر ويحفر نفسه فى قلوب الجميع لمدة 31 سنة ...
الوحيد اللى الناس لسه بتسمع أغانيه القديمة وبتفتكرها وبتطلبها ..
غنى فى كل حاجة واتكلم فى كل شىء ولسه عنده الجديد...
ثقة الناس فيه جامدة عارفين ان كل مرة فيه جديد وجميل أحلى ومختلف عن اللى قبله...
أصبح حبيب الملايين والمطرب رقم واحد فى مصر ومعتقدتش مفيش حد ما يعرفش مين هوا ... منير
حواديت
ياما ف زمنـَّا قلوب راسماها أعمارنا
زي النجوم حواديت على ضِلّ شبـَّاكنا
دي مركبي فضَّه
وفرحي لو قضَّى
حبيبتي تبقى معاي
من غيرها مش حارضى
ساعات أتوه مرَّات
ألقى القمر هدَّى
يسقي النسيم شربات
ف ليل طويل عدَّى
الصعب راح ولـَّى
الحب ده أحلى
لو وقفت الساعات
صوتي أكيد أعلى
لو زارني فرحي ساعات
حواديتي ما بتخلصْ
قمري حصان في الليل
نجومه دي بترقصْ
والحلم ويَّايا
والذكرى جوَّايا
من بين كتير حكايات
حكايتنا دي حكايه
ساعات أحب حاجات
ما يحبِّهاش غيري
ف الرايحه والجايات
بغنـِّي مع طيري
طمِّني أتطمِّن
ف القلب راح تسكن
وطول هواكي معاي
أتدفا وأتطمِّن
شجر اللمون
كام عام ومواسم عدوا
وشجر اللمون دبلان على أرضه
وفينك
بينى وبينك أحزان ويعدوا
بينى وبينك ايام وينقضوا
شجر اللمون دبلان على أرضه
فينك أنا من غيرك
أنا مش عاقل ولا مجنون
أنا مطحون والدنيا دى رحاية
وقلبى حب الحب وحباب عيون
شجر اللمون دبلان على أرضه
كل شىء بينسرق منى
العمر م الأيام
والضى م الننى
كل شىء حواليا يندهلى
جوايا بندهلك
يا ترى بتسمعنى
وفينك
بينى وبينك أحزان ويعدوا
بينى وبينك ايام وينقضوا
شجر اللمون دبلان على أرضه
عالمدينة
لفوا بينا قالوا لينا
قالوا بينا عالمدينة
لما جينا التقينا
كل شىء فيها ناسينا
القلق جوا العيون
وشها له ألف لون
حزنها غير حزننا
منها واحنا وحدنا
ف المدينة هنا
لفوا بنا لفوا بنا
لفوا بينا وجينا هنا
لفوا بينا وتهنا هنا
يا مدينة فيكى ماشى
قلبى قمراية بشواشى
مهما تعصرى قلبنا
مش هايكتب
ف المدينة هنا
لفوا بنا لفوا بنا
لفوا بينا وجينا هنا
لفوا بينا وتهنا هنا
الفصول فى كل عام
فيكى تتغير قوام
روح يا قمر الليل ونام
دا السكوت زى الكلام
ف المدينة هنا
لفوا بنا لفوا بنا
لفوا بينا وجينا هنا
لفوا بينا وتهنا هنا
عشقك ندى
عشقك ندى
فاق المدى
يا فجر عمرى اللى ابتدى
يا ضى لعيونى ابتدا
عشقك ندى
فاق المدى
يا نجمة طالة م الفضا
يا غنوة القلب انشدا
رحال أنا
من كام سنة
فى بحور عينيك المزروعين بالسوسنة
يا ضحكة العمر الحزين يا حنينة
زارع سنينك ألف غنوة وألف صوت
يا زارعة ليلى وسط صمت الكون غنا
غني بشوقك ليا غناويك غناويا
غناويك وخطاويا
والغنوة خطوة وطريق
حضنك دفا
قلبك وفا
وأنا قلبى شارب من حنانك ما اكتفى
يرتاح فى ضلك لو نهاره فى يوم جفا
وهموم نهارى تتمحى من خطوتى
وطريق همومى من دروبك اختفى
خطى الأحلام بيا
خطاويك خطاويا
خطاويك وغناويا
والغنوة خطوة وطريق
حتى حتى
طب خدينى فى ريح طيفك
حتى حتى فى ديل كيفك
دا انتى ماليه الشوق ملوة
نفسه لو يلمس طراطيفك
غصب عنى بانام صاحى
أصحى نايم زى جراحى
نامى بس انتى وارتاحى
نبقى نتحنى بتلطيفك
قولى أنى بعيش ليكى
ايوة بالقا انى باموت فيكى
لونك النيلى وعنيك
طوعت روحى لتصريفك
مش هاممنى الكون هادى
ولا زحمة الكون عادى
كل همى انك تتراضى
دا الحياة جنة بتشريفك
برة الشبابيك
برا الشبابيك غيوم
برا الشبابيك مطر
مالي خايف كده خايف
وحاسس بالخطر
ده حزن ولا وتر
ده قلب ولا حجر
ده دمع ولا مطر
مالي خايف خايف خايف
وحاسس بالخطر
آخر مره اما سبتك
كتمت الشكوه ليه
مش كان احسن حاسبتك
وعرفت القصه ايه
لكن محسبتكيش
وقلت ليه مافيش
كانك يا حبيبتي
امرك مايهمنيش
انا خايف من ده فيا
م الشكوا المداريه
بالذات في الليله ديه
تحت الغيم والمطر
مالي خايف خايف خايف
وحاسس بالخطر
المريلة الكحلى
يابنت يا ام المريلة كحلي
يا شمس هاله و طاله من الكوله
لو قلت عنك في الغزل قوله
ممنوع عليا ولا مسموحلى
أنا أحب أقول الشعر في الحلوين
و الحلو أقوله يا حلو في عيونه
و لو ابتديت بشفايفك النونو
ما يكفنيش فيهم سبع دواوين
يا ملاك يا جنيه يا ست الحسن
يعجبني توهانك في أحلامك
يعجبني شد الخصر بحزامك
يعجبني أخذك للكتب بالحضن
راحوا الصبايا و الصبايا جم
أجمل ما فيهم مين غير بنتي
و أجمل ما فيكي يا بنتي ان انتي
في عينيكي مني في حنان الأم
برج حمام
أنا قلبي برج حمام
هج الحمام منه
ياللي عينيك كلام
ليه الضلوع أنوا
أنا قلبي كان شباك
بس الهوا شباك
يا بكره باستناك
ليك العيون حنوا
يا حبيبتي قلبي فانوس
بس الغنا محبوس
بكره اللي جاي شموس
و عينيك يتحنو
قبل ما تحلم
قبل ما تحلم فوق
احلم وانت فايق
قبل ما تطلع فوق
انزل للحقايق
جايز حلم فى غمضة عين
عايز يتحقق فى سنين
وجايز يبقى الحلم اتنين
وتحققهم قبل دقايق
حلمت قدك ويمكن اكتر
وحلمى الاخضر ما طالش يكبر
حلمك لسة فى اديك
حاول ما يمتش فيك
حاول حاول
نصيبى يمكن ماكنش ليا
طريقى طوّل ولف بيا
عافر يمكن تقوم
حاسب على كل يوم
حاسب حاسب
عنقود العنب
مانيش اخر حبيب يدخل مدينتك
ولا هتكونى يوم اخر حبيبة
ده الى انكتب مفروط يا عنقود العنب
واللى انقرا غنيوة بس قصيرة
مشروخ يا ناى ماتغنيليش
زعجك وجعنى آه وانا ماكفانيش
ده عنيكى دول مرايات
مرسوم انا فيهم
يا ضيعة الحكايات
ع اللى انكتب فيهم
مشروخ يا ناى ماتغنيليش
زعجك وجعنى آه وانا ماكفانيش
انتى
انتى فرحى اللى عاش يا عنيا
وانتى بكرة اللى غير فيا
وانتى انتى اللى خايفة عليا
ياه ياه للحنان بشتاق
فى عيونك كلام يندهلى
فى عيونك قريت احلام
ده الحلم الجميل موصفلى
يخطفنى قوام
فى شفايفك ده لون مرسوملى
والبسمة اللى حاضنة هواه
ده انا عاشق كلامك قولى
يخطفنى قوام
تانى
هنعيش الفرح تانى
وهروقلك زمانى
ونعيش نفس الحنان
ليلة
وهنحلم كل ليلة
ولا الف والف ليلة
ونغير فى الزمان
1 comment:
Allah ...I adore this man bgd..w 2wel mashoft ur 1st written song "hawadet" i kept on singin' it out load ..it is the best ever.
nice blog dear
btw i know ur blog from Reem ahmed Zakria dof3et 2008
way to go girl :)
Post a Comment