أول حضن

عارف انه أحياناً بيحصلى...

ان وانا قاعدة فى مكان اسرح واقول ياترى ممكن اقابلك هنا .. صدفة .. فجأة ..

كتير بادور عليك فى الوشوش والشوارع ..

بس بعد شوية بارجع اقول لنفسى والدموع فى عينيا.. وحتى لو حصل.. هوا اصلاً مش بيحبنى..

----------------

لو شفتنى صدفة فى الشارع متخليش دموعى تضعفك أو تأثر عليك ..

متاخدنيش فى حضنك عشان حضنك مش ليا.. وحضنى مش بتاعك ...

لأن اللى اتعود يدى هيفضل محروم حتى لو خد كتير ..

حضنى مش هايكبر فى حضنك ..

واتعلمت ان أول حضن لحد معرفوش..

الشرط الوحيد انه يكون محتاجه...