احساس اللى بيحب حد بجد وخايف عليه
يبعد يفارق ينسحب من بين ايديه
قلبى اتعصر برق ومطر احساس حزين
زلزل مشاعرى كلها دابت حنين
قسوة حياتى ووحدتى بدأت تلين
حسيت بروحك بتنادينى متخافيش
نفسى أقرب أعرفك أكتر وأعيش
فرحك همومك حلمك جنونك ماكتفيش
بصيت فى عينك شوفتها أملى الجديد
صوتك كسرنى وهز فيا جبال جليد
بسمة شفايفك حركت جوا منى سؤال عنيد
هل يا ترى انت كمان حسيت بانى
حلمى فى حياتى دنيتى لحظة تمنى
القا فى عيونك نظرتى .. احساس تعبنى
3 comments:
مصافحة أولى ..
أعجبت بمدونتك ووصلت إليها من خلال بحثي عن ما كتب عن ديوان صديقي عمرو صبحي
أعجبني أيضًا طرحك للكتب مثل الديوان وهموم مثقف مصري ..
أحسنتِ ومتابع إن شاء الله
gamela gdan
اذيك يا دينا ؟
كل لما ادخل مدونتك الالوان بتحسسنى بحب
الأغنية ديه تنفع تتلحن :)
طمنينى عليكى دايمًا
Post a Comment